LIAISE ye un porjeto Erasmus+ baseado ne l percípio i na necidade amperatiba de preserbar la dibersidade lhenguística i salbaguardar las lhénguas minoritárias, tal cumo defendido por ourganizaçones ouropeias i anternacionales.
L'eisecuçon de l porjeto adotará medidas que promoban, proteijan i rebitalizen las lhénguas i dialetos regionales i minoritairos. Ls materiales de l porjeto, tales cumo recursos eiducatibos, porduçones culturales i plataformas an lhinha, staran çponibles nessas lhénguas minoritárias, oumentando la sue besibelidade na bida pública.
Tal permitirá criar i promober sociadades anclusibas adonde la dibersidade lhenguística i cultural ye apoiada i celebrada.
Las metas de l porjeto alinhan-se culs oubjetibos gerales de preserbaçon cultural i lhenguística, coeson social i promoçon de la cumprenson mútua antre quemunidades dibersas.
Ls oubjetibos specíficos de l porjeto LIAISE son:
1. Promober la dibersidade lhenguística i l'ancluson, tanto ne l meio scolar cumo na sociadade.
2. Reforçar l'eiducaçon multelingue, cun special ancidéncia nas lhénguas i dialetos minoritairos an risco de stinçon.
3. Zambolber recursos multelingues i acessibles para porsores i eiducadores.
4. Apoiar l'ampenho cíbico i la participaçon atiba de grupos lhenguística i culturalmente marginalizados.
5. Sensibelizar pa las questones relacionadas culas minories lhenguísticas i pa la sue besibelidade na bida social i eiducatiba quotidiana.
6. Assegurar l'eigualdade d'acesso a l'eiducaçon a todos ls alunos, andependientemente de la sue ourige cultural i/ó lhenguística.
7. Capacitar las quemunidades para celebrar i promober la dibersidade lhenguística.
L público-albo de l porjeto ancorpora ua bariadade de defrentes grupos i anterbenientes, trazendo ua mudança i un ampato seneficatibos para ua eiducaçon plurelingue anclusiba i acessible.
Porsores i pessonal scolar
Studantes ouriundos de minories lhenguísticas
Pais d'alunos de minories lhenguísticas
Admenistradores scolares i decisores políticos
Grupos lhenguísticos i peritos de la quemunidade lhocal
Para garantir l'acessibelidade lhenguística de ls materiales de l porjeto, estes staran çponibles nas seguintes lhénguas/dialetos percipales i minoritairos:
“It is through language that we come to know the world. It is
through our language that we express our identity.”
— Nelson Mandela